PepLamb's Audio Bible
Loading God's Word...
എന്റെ കുഞ്ഞാടുകളെ മേയിക്കുക | യോഹന്നാൻ 21:15-17
Gen.2.1

ഇങ്ങനെ ആകാശവും ഭൂമിയും അവയിലുള്ള ചരാചരങ്ങളൊക്കെയും തികഞ്ഞു.
 
ingane aakshavum bhoomiyum avayilulla charaacharangalokkeyum thikanju.

ഉൽപത്തി 2
ഉൽപത്തി 2:1-3

The Seventh Day—God Rest

The Seventh Day—God Rest
1 ഇങ്ങനെ ആകാശവും ഭൂമിയും അവയിലുള്ള ചരാചരങ്ങളൊക്കെയും തികഞ്ഞു.
 
ingane aakshavum bhoomiyum avayilulla charaacharangalokkeyum thikanju.
2 താൻ ചെയ്ത പ്രവൃത്തിയൊക്കെയും ദൈവം തീർത്തശേഷം താൻ ചെയ്ത സകല പ്രവൃത്തിയിൽനിന്നും ഏഴാം ദിവസം നിവൃത്തനായി.
 
thaan cheytha pravruthiyokkeyum daivam theerthashesham thaan cheytha sakala pravruthiyilninnum ezhaam divasam nivruthanaayi.
3 താൻ സൃഷ്‍ടിച്ചുണ്ടാക്കിയ സകല പ്രവൃത്തിയിൽനിന്നും അന്നു നിവൃത്തനായതുകൊണ്ടു ദൈവം ഏഴാം ദിവസത്തെ അനുഗ്രഹിച്ചു ശുദ്ധീകരിച്ചു.
 
thaan srish‍tichundakkiya sakala pravruthiyilninnum annu nivruthanaayathukondu daivam ezhaam divasathe anugrahichu sudheekarichu.

Man and Woman in the Garden

The First Man - Adam
4 യഹോവയായ ദൈവം ഭൂമിയും ആകാശവും സൃഷ്‍ടിച്ച നാളിൽ ആകാശവും ഭൂമിയും സൃഷ്‍ടിച്ചതിന്റെ ഉൽപത്തി വിവരം: വയലിലെ ചെടി ഒന്നും അതുവരെ ഭൂമിയിൽ ഉണ്ടായിരുന്നില്ല; വയലിലെ സസ്യം ഒന്നും മുളച്ചിരുന്നതുമില്ല.
 
yahovayaaya daivam bhoomiyum aakshavum srish‍ticha naalil aakshavum bhoomiyum srish‍tichathinte ulpathi vivaram: vayalile chedi onnum athuvare bhoomiyil undayirunnilla; vayalile sasyam onnum mulachirunnathumilla.
5 യഹോവയായ ദൈവം ഭൂമിയിൽ മഴ പെയ്യിച്ചിരുന്നില്ല; നിലത്തു വേല ചെയ്‍വാൻ മനുഷ്യനും ഉണ്ടായിരുന്നില്ല.
 
yahovayaaya daivam bhoomiyil mazha peyyichirunnilla; nilathu vela chey‍vaan manushyanum undayirunnilla.
6 ഭൂമിയിൽനിന്നു മഞ്ഞു പൊങ്ങി, നിലമൊക്കെയും നനച്ചുവന്നു.
 
bhoomiyilninnu manju pongi, nilamokkeyum nanachuvannu.
7 യഹോവയായ ദൈവം നിലത്തെ പൊടികൊണ്ടു മനുഷ്യനെ നിർമ്മിച്ചിട്ട് അവന്റെ മൂക്കിൽ ജീവശ്വാസം ഊതി, മനുഷ്യൻ ജീവനുള്ള ദേഹിയായി തീർന്നു.
 
yahovayaaya daivam nilathe podikondu manushyane nirmmichittu avante mookkil jeevaswasam oothi, manusian jeevanulla dehiyaayi theernnu.
God’s Garden - Tree of Life & Knowledge
8 അനന്തരം യഹോവയായ ദൈവം കിഴക്ക് ഏദെനിൽ ഒരു തോട്ടം ഉണ്ടാക്കി, താൻ സൃഷ്‍ടിച്ച മനുഷ്യനെ അവിടെ ആക്കി.
 
anantharam yahovayaaya daivam kizhakku eadenil oru thottam undakki, thaan srish‍ticha manushyane avide aakki.
9 കാൺമാൻ ഭംഗിയുള്ളതും തിന്മാൻ നല്ല ഫലമുള്ളതുമായ ഓരോ വൃക്ഷവും തോട്ടത്തിന്റെ നടുവിൽ ജീവവൃക്ഷവും നന്മതിന്മകളെക്കുറിച്ചുള്ള അറിവിന്റെ വൃക്ഷവും യഹോവയായ ദൈവം നിലത്തുനിന്നു മുളപ്പിച്ചു.
 
kanmaan bhamgiyullathum thinmaan nalla falamullathumaaya oro vrukshavum thottathinte naduvil jeevavrukshavum nanmathinmakalekkurichulla arivinte vrukshavum yahovayaaya daivam nilathuninnu mulappichu.
10 തോട്ടം നനപ്പാൻ ഒരു നദി ഏദെനിൽനിന്നു പുറപ്പെട്ടു; അത് അവിടെനിന്നു നാലു ശാഖയായി പിരിഞ്ഞു.
 
thottam nanappaan oru nadi eadenilninnu purappettu; athu avideninnu naalu shaakhayaayi pirinju.
11 ഒന്നാമത്തേതിനു പീശോൻ എന്നു പേർ; അതു ഹവീലാദേശമൊക്കെയും ചുറ്റുന്നു; അവിടെ പൊന്നുണ്ട്.
 
onnaamathethinu peeshon ennu per; athu haveelaadeshamokkeyum chuttunnu; avide ponnundu.
12 ആ ദേശത്തിലെ പൊന്ന് മേൽത്തരമാകുന്നു; അവിടെ ഗുല്ഗുലുവും ഗോമേദകവും ഉണ്ട്.
 
au deshathile ponnu meltharamaakunnu; avide gulguluvum gomedakavum undu.
13 രണ്ടാം നദിക്കു ഗീഹോൻ എന്നു പേർ; അതു കൂശ്ദേശമൊക്കെയും ചുറ്റുന്നു.
 
randam nadikku geehon ennu per; athu kooshdeshamokkeyum chuttunnu.
14 മൂന്നാം നദിക്കു ഹിദ്ദേക്കെൽ എന്നു പേർ; അത് അശ്ശൂരിനു കിഴക്കോട്ട് ഒഴുകുന്നു; നാലാം നദി ഫ്രാത്ത് ആകുന്നു.
 
moonnaam nadikku hidhekkel ennu per; athu assurinu kizhakkottu ozhukunnu; naalaam nadi fraathu aakunnu.
15 യഹോവയായ ദൈവം മനുഷ്യനെ കൂട്ടിക്കൊണ്ടു പോയി ഏദെൻതോട്ടത്തിൽ വേല ചെയ്‍വാനും അതിനെ കാപ്പാനും അവിടെ ആക്കി.
 
yahovayaaya daivam manushyane koottikkondu poyi eadenthottathil vela chey‍vaanum athine kaappaanum avide aakki.
16 യഹോവയായ ദൈവം മനുഷ്യനോടു കല്പിച്ചത് എന്തെന്നാൽ: തോട്ടത്തിലെ സകല വൃക്ഷങ്ങളുടെയും ഫലം നിനക്ക് ഇഷ്ടംപോലെ തിന്നാം.
 
yahovayaaya daivam manushyanodu kalpichathu enthennaal: thottathile sakala vrukshangaludeyum falam ninakku ishtampole thinnaam.
17 എന്നാൽ നന്മതിന്മകളെക്കുറിച്ചുള്ള അറിവിന്റെ വൃക്ഷത്തിൻ ഫലം തിന്നരുത്; തിന്നുന്ന നാളിൽ നീ മരിക്കും.
 
ennaal nanmathinmakalekkurichulla arivinte vrukshathin falam thinnaruthu; thinnunna naalil nee marikkum.
The First Woman - Eve
18 അനന്തരം യഹോവയായ ദൈവം: മനുഷ്യൻ ഏകനായിരിക്കുന്നതു നന്നല്ല; ഞാൻ അവനു തക്കതായൊരു തുണ ഉണ്ടാക്കിക്കൊടുക്കും എന്ന് അരുളിച്ചെയ്തു:
 
anantharam yahovayaaya daivam: manusian ekanaayirikkunnathu nannalla; njaan avanu thakkathaayoru thuna undakkikkodukkum ennu aruliccheythu:
19 യഹോവയായ ദൈവം ഭൂമിയിലെ സകല മൃഗങ്ങളെയും ആകാശത്തിലെ എല്ലാ പറവകളെയും നിലത്തുനിന്നു നിർമ്മിച്ചിട്ടു മനുഷ്യൻ അവയ്ക്ക് എന്തു പേരിടുമെന്നു കാൺമാൻ അവന്റെ മുമ്പിൽ വരുത്തി; സകല ജീവജന്തുക്കൾക്കും മനുഷ്യൻ ഇട്ടത് അവയ്ക്ക് പേരായി;
 
yahovayaaya daivam bhoomiyile sakala mrgangaleyum aakshathile alla paravakaleyum nilathuninnu nirmmichittu manusian avaykku enthu peridumennu kanmaan avante munbil varuthi; sakala jeevajanthukkalkkum manusian ittathu avaykku peraayi;
20 മനുഷ്യൻ എല്ലാ കന്നുകാലികൾക്കും ആകാശത്തിലെ പറവകൾക്കും എല്ലാ കാട്ടുമൃഗങ്ങൾക്കും പേരിട്ടു; എങ്കിലും മനുഷ്യനു തക്കതായൊരു തുണ കണ്ടുകിട്ടിയില്ല.
 
manusian alla kannukaalikalkkum aakshathile paravakalkkum alla kaattumrgangalkkum perittu; engilum manushyanu thakkathaayoru thuna kandukittiyilla.
21 ആകയാൽ യഹോവയായ ദൈവം മനുഷ്യന് ഒരു ഗാഢനിദ്ര വരുത്തി; അവൻ ഉറങ്ങിയപ്പോൾ അവന്റെ വാരിയെല്ലുകളിൽ ഒന്ന് എടുത്ത് അതിനു പകരം മാംസം പിടിപ്പിച്ചു.
 
aakayaal yahovayaaya daivam manushyanu oru gaadanidra varuthi; avan urangiyappol avante vaariyellukalil onnu eduthu athinu pakaram maamsam pidippichu.
22 യഹോവയായ ദൈവം മനുഷ്യനിൽനിന്ന് എടുത്ത വാരിയെല്ലിനെ ഒരു സ്ത്രീയാക്കി, അവളെ മനുഷ്യന്റെ അടുക്കൽ കൊണ്ടുവന്നു.
 
yahovayaaya daivam manushyanilninnu edutha vaariyelline oru sthreeyaakki, avale manushyte adukkal konduvannu.
23 അപ്പോൾ മനുഷ്യൻ: ഇത് ഇപ്പോൾ എന്റെ അസ്ഥിയിൽനിന്ന് അസ്ഥിയും എന്റെ മാംസത്തിൽനിന്നു മാംസവും ആകുന്നു. ഇവളെ നരനിൽനിന്ന് എടുത്തിരിക്കയാൽ ഇവൾക്കു നാരി എന്നു പേരാകും എന്നു പറഞ്ഞു.
 
appol manusian: ithu eppol ente asthiyilninnu asthiyum ente maamsathilninnu maamsavum aakunnu. evale naranilninnu eduthirikkayaal evalkku naari ennu peraakum ennu paranju.
24 അതുകൊണ്ടു പുരുഷൻ അപ്പനെയും അമ്മയെയും വിട്ടുപിരിഞ്ഞു ഭാര്യയോടു പറ്റിച്ചേരും; അവർ ഏകദേഹമായി തീരും.
 
athukondu purushan appaneyum ammayeyum vittupirinju bhaaryayodu patticherum; avar ekadehamaayi theerum.
Naked - Not Ashamed
25 മനുഷ്യനും ഭാര്യയും ഇരുവരും നഗ്നരായിരുന്നു; അവർക്കു നാണം തോന്നിയില്ലതാനും.
 
manushyanum bhaaryayum iruvarum nagnaraayirunnu; avarkku naanam thonniyillathaanum.

ക്രോസ് റഫറൻസുകൾ

ഈ വചനത്തിന് ക്രോസ് റഫറൻസുകളൊന്നും ലഭ്യമല്ല.